馬祖台灣養生湯麵館 (和安里)

营业中

休息中

平时食晏昼我都会拣呢一间，因为佢上菜速度好快同埋价钱真系中环食午餐最平嘅一间。人头平均$70就识到一个午餐喺中环都几罕见。我推介嘅食物系佢嘅药膳米线加鸡：呢度𠮶个药膳汤底系好甜嘅，因为入边落咗好多红枣，同平时出边啲药膳米线唔太一样。米线入边嘅鸡件非常新鲜，亦都好嫩滑，唔会好鞋。米线量有啲多，如果食唔到咁多嘅话记住要叫少米线。另一个推介系佢嘅药膳米线加墨鱼春卷同埋饺子：佢个墨鱼春卷好弹牙，也有腐皮包喺出边，吸埋啲药膳汤底真系好好食，而且佢个饺子味道都10分好，入边嘅肉同菜包得好好食。唯一嘅负评就系呢度冇水同埋冇饮品，只能加钱饮颇贵的一瓶瓶的冷泡茶- 如果佢有得跟餐加饮品就会好啲。