Grill ขุนทอง (和安里)

营业中

休息中

今日同朋友去开中环买嘢之前上网已经见过呢间有唔少人介绍，本身都钟意食重口味同烧嘢食，所以见近近地就嚟试吓。食到饱晒先系二百几蚊，呢度唔只有串烧烧烤，又有冬荫功、海南鸡饭，连沙律都有得拣。听闻之前呢度系冇午市套餐嘅，撞啱今次我有得试难得喺中环地段lunch set 六十几至七十二蚊左右仲包埋餐饮。 单叫串烧都系20几蚊左右起就有一串。如果以前喺度返工就有呢间嘢就好啦。真系中环平平哋开餐好选择！ 呢度系先喺收银处点餐，之后佢会俾个牌你，跟住你就可以揾个位揾张枱坐低，等佢送餐就可以。今次试咗两个午市套餐，本身想试泰式串烧配菠萝炒饭可惜可能嚟到已经太晏，结果得返泰式串烧配炒饭结果就是呢个连埋海南鸡饭套餐既然串烧系呢度嘅特色主打，所以就叫多几串试一试，叫咗牛仔骨、鸡中翼烧芦笋、仲有鱿鱼须串烧调味都好惹味，宵夜嚟食烧烤送吓酒都唔错！又近兰桂坊，如果饮完酒再去食返串串烧都几好。