東歐餐廳

中环呢一间传统乌克兰餐厅，长期都爆满，呢一日终于再book到位黎食！餐厅系兰桂坊再行上去，大馆附近，距离地铁站十分钟左右；一入到去餐厅装修好有异国风情，每一件摆设，灯，餐枱以至枱布都好典型既东欧风格。🐷乌兹别克鸡肉饺子 $88一客有三只，比起平时食既饺子大只好多，饺子皮适中，里面肉馅满满，调味唔会太浓，加埋特制既酱汁，甜酸得黎少少辣，作为前菜好开胃。🐷招牌芝士焗牛脷盅 $98上碟时有一块酥皮系个盅上边，店员会帮手拎落黎剪开四份；牛脷份量十足，好入味而且好腍，配合埋芝士汁，蘑菇加埋酥皮一齐食，非常推荐👍🏻🐷驰名基辅炸鸡排 $188份量十足，鸡排炸得好嫩滑一d都唔嚡，而且充满住芝士同牛油，虽然好邪恶但忍唔住食完一啖又一啖；配菜既炸薯片都唔可以错过，炸得香口但又唔会太油。食到最后仲送左两个乌克兰国旗既口罩，好有诚意。