Miso (已結業)

星期五，忙了一星期，又系时候奖励自己，食番餐好的。脑中忽然闪过MISO，因为之前朋友曾推介过，加上信用卡又有优惠，即刻订枱。进场时七时半，餐厅已有七成满，两人点了以下菜式︰姜汁辣味牛肉拉面︰个汤味道太浓，面太腍不够弹牙，不及格。蒜片牛柳粒炒饭︰只有牛肉碎，但个饭就炒得几好食。铁板炒露笋杂菌︰因为露笋同杂菌本身都好味，只系略炒都会好食。铁板牛舌︰牛舌好腍，好香牛味，另有杂菜伴碟，跟牛舌一起吃就冇咁「漏」。豆腐布甸配黑糖花生碎︰估唔到呢个甜品咁好食，喜出望外，豆腐味好浓又唔会太甜，推介！Ginger creme brulee配绿茶雪糕︰creme brulee有辣味但食唔出姜味，但系都好食; 一般的绿茶雪糕。两枝啤酒服务好贴心，抵赞！不过美中不足系上菜时间好慢(可能今晚人客太多的关系)，有两道菜要追侍应跟进才上枱。而且上枱时间不能同步(一个人食完另一人的菜还未上枱)，最好能控制出菜的时间。埋单三百多元(AE白金卡优惠)，都几抵，正价都可以接受，尤其佢有套餐供应。