Coffee Central By Coffee Exchange (已結業)

突然被召要一早到中环总部开会。虽贵为白领丽人，但一D都唔中意中环，返工要迫地铁，迫隧巴，连办公室电梯都要迫。今早个会唔早唔迟，时间好怪。唔想太早到，因我个位唔系系呢度，早到冇位坐。但又唔可以迟到。唯有系中环公司楼下揾间咖啡室坐下。但如果俾人见到以为我蛇王就弊家伙。好彩，我知有呢间咖啡店，佢系我的中环秘密基地。佢系一间地库，门口得到牌，好唔觉眼。但落到去，内里好宽敞，环境好舒服。叫咗个轻食早餐，有少少沙律，滑蛋，牛角包及最重要的咖啡！沙律好新鲜，蛋都好滑。不过冇味而枱上又有salt and pepper，差少少。牛角包，就真心冇惊喜，唔热唔脆。好在有杯咖啡抢番D分数。