影片
更多
2024-12-10
387 浏览
🥂自从今年去完西班牙旅行，就深深爱上想了当地嘅小酒馆餐室，可以同朋友食饭饮嘢，今次去到中环兰桂坊一间西班牙小酒馆，店舖环境好有气氛，楼高两层，上层感觉舒适够空间感，中央仲设计咗一个旋转楼梯，下层可以欣赏到厨师认真制作制嘅表演，而家转咗新Menu 价钱唔贵，厨房精心设计咗六道菜式二人套餐，每一样味道都好有惊喜，钟意呢类型嘅小酒馆餐厅记得book mark !👉🏻牛蕃茄酿布拉塔流心芝士金奇异果用上原个牛蕃茄中央酿入布拉塔流心芝士，及金奇异果果肉，金奇异果果肉有最甜嘅奇异果味道而见称，配上流心芝士，切开牛蕃茄𥚃面仲酿左伊比利亚黑毛猪火腿，流心芝士及奇异果果味的味道清新，味道有惊喜而且非常之夹，好钟意𠮶啲西班牙黑醋，酸酸甜甜咁，整体清新开胃👉🏻黑松露比坚尼三文治配24 个月伊比利亚黑毛猪火腿呢个系近期食过最好食嘅三文治之一，烘焗至酥脆的面包，夹杂咗新鲜黑松露香气，三文治𥚃面仲有Manchego Cheese,再散发住阵阵的24 个月伊比利亚黑毛猪火腿嘅馥郁阵阵回甘嘅香气，一口咬落去松松脆脆嘅口感，绝对系想一食再食嘅味道👉🏻 法式蓝芝士煮新鲜法国蓝青口用上每日新鲜法国直送嘅蓝青口，店家特别用上新
🥂自从今年去完西班牙旅行，就深深爱上想了当地嘅小酒馆餐室，可以同朋友食饭饮嘢，今次去到中环兰桂坊一间西班牙小酒馆，店舖环境好有气氛，楼高两层，上层感觉舒适够空间感，中央仲设计咗一个旋转楼梯，下层可以欣赏到厨师认真制作制嘅表演，而家转咗新Menu 价钱唔贵，厨房精心设计咗六道菜式二人套餐，每一样味道都好有惊喜，钟意呢类型嘅小酒馆餐厅记得book mark !
👉🏻牛蕃茄酿布拉塔流心芝士金奇异果
用上原个牛蕃茄中央酿入布拉塔流心芝士，及金奇异果果肉，金奇异果果肉有最甜嘅奇异果味道而见称，配上流心芝士，切开牛蕃茄𥚃面仲酿左伊比利亚黑毛猪火腿，流心芝士及奇异果果味的味道清新，味道有惊喜而且非常之夹，好钟意𠮶啲西班牙黑醋，酸酸甜甜咁，整体清新开胃
👉🏻黑松露比坚尼三文治配24 个月伊比利亚黑毛猪火腿
呢个系近期食过最好食嘅三文治之一，烘焗至酥脆的面包，夹杂咗新鲜黑松露香气，三文治𥚃面仲有Manchego Cheese,再散发住阵阵的24 个月伊比利亚黑毛猪火腿嘅馥郁阵阵回甘嘅香气，一口咬落去松松脆脆嘅口感，绝对系想一食再食嘅味道
👉🏻 法式蓝芝士煮新鲜法国蓝青口
用上每日新鲜法国直送嘅蓝青口，店家特别用上新鲜蓝青口，味道鲜味鲜甜，共有五款口味分别系香蒜辣油，白酒，意大利罗勒蕃茄，最推荐嘅系法式蓝芝士及日式柚子胡椒，呢两种坊间比较少嘅口味，今次选择了蓝芝士口味，酱汁咸咸香香咁，真系颠覆咗本身嘅对蓝芝士嘅印象，无咗佢独有嘅臭，酱汁会品尝到蓝芝士嘅咸香，真系连汤汁都饮埋
👉🏻罗勒茄汁煮意大利薯团
Pasta类别个人钟意食嘅薯团，一粒粒咁样烟烟韧韧嘅口感配上罗勒蕃茄汁煮，每一口尽是新鲜嘅蕃茄口味，另外仲可以加$158 转忌廉奶油煮意大利薯团配法国冬季新鲜黑松露
👉🏻威灵顿阿拉斯加银鳕鱼配带子慕丝
威灵顿牛就成日食，威灵顿鱼就真系第一次食，估唔到都非常之出色，用上阿拉斯加银鳕鱼，鱼油丰富鱼味特别香浓厚实，带子慕丝汁带微微酸，刚刚好平衡了口感，配上法葱的香气，味道非常之香，尤其好钟意佢呢一个法式芦笋爽脆入味
👉🏻 法式拿破仑千层酥配藜麦 +$48
自家制法式拿破仑千层酥，拌上健康带脆脆口感嘅藜麦，最正嘅系自家制作嘅云呢拿雪糕，散发住一种香草味道非常清新，最尾洒上芒果泥，自制奶冻和鲜奶油，估唔到甜品亦系另外一个高潮位，睇得出厨师嘅心思制作，配搭得非常好
👉🏻2022 Villa Girardi Soave Classico DOC (ltaly) $128 / glass
店员介绍嘅一杯白酒，钟意啲唔酸嘅容易入口嘅口味呢一杯就最啱
🥂Moodie Tasting Menu
原价 : $1088 优惠价 : $768
🥂好钟意呢个环境气氛，而且重点每一道菜都系用足心机去设计同埋去整如果香港有黑白大厨嘅话，佢哋呢位大厨绝对可以去参赛，因为每一道菜都出色好有惊喜，食得出厨师嘅用心，而家套餐价钱跟之前旧Tasting Menu一样，但系食材及选择方面都升级咗，尤其是钟意呢度𠮶个新鲜蓝青口，法式蓝芝士个汁真系好好香带余韵，而且价钱唔贵，细细嘅一间原来有两层，坐得舒适自在，之后一定会再带朋友过嚟再食嘅一间西班牙小酒馆餐厅
张贴
