影片
更多
2023-01-23
2196 浏览
中环连续十四年米芝莲三星中菜-龙景轩🐉龙景轩(中环)📍中环金融街8号香港四季酒店4楼「努力过活，拼命无恙」#拼命无恙🫶🏻 #林家谦 #世上偶遇也是重遇嚟到2022嘅除夕，继上次食完唐阁，都系时候分享埋龙景轩嘅食评。贵为全港唯二两间三星米芝莲中菜，如果唐阁系走实而不华嘅内俭，咁龙景轩就系走奢华高贵嘅气派路线。踏入四季酒店再徐徐步入龙景轩，餐厅门口嘅水晶灯光布置璀璨亮丽，令人对今晚嘅美食之旅充满期待。-头盘前菜🥗-蜜汁烧叉烧(半份) 💲210 ⭐️4.3/5⭐️ 每次到访高级中菜，毫无悬念必点叉烧作头盘，龙景轩嘅叉烧色泽亮丽伴随晶莹蜜汁，肥瘦适中带㶶边，入口松化无比，味道合乎水准价钱合理，但个人而言始终钟意稍为有咬口质感嘅叉烧。-炸𫗵鲜蟹盖(每位) 💲340 ⭐️4.5/5⭐️传统中菜厅，除左秘制叉烧之外，亦有依道令人欲罢不能嘅炸𫗵鲜蟹盖，侍应亦有热心介绍必点之作，大厨将原只鲜蟹拆肉混和洋葱丝酿入蟹盖之中，再沾上薄薄炸粉炸至金黄酥脆，上枱已经令人食指大动，急不及待将新鲜热辣冒住热气嘅蟹肉放入口中，每梳蟹肉都啖啖鲜味饱满无比，与洋葱比例亦调配得非常恰当，令人满足度爆灯，实属龙景轩将此道菜色做得精益
龙景轩(中环)
📍中环金融街8号香港四季酒店4楼
「努力过活，拼命无恙」
#拼命无恙🫶🏻 #林家谦 #世上偶遇也是重遇
嚟到2022嘅除夕，继上次食完唐阁，都系时候分享埋龙景轩嘅食评。贵为全港唯二两间三星米芝莲中菜，如果唐阁系走实而不华嘅内俭，咁龙景轩就系走奢华高贵嘅气派路线。踏入四季酒店再徐徐步入龙景轩，餐厅门口嘅水晶灯光布置璀璨亮丽，令人对今晚嘅美食之旅充满期待。
-头盘前菜🥗
-蜜汁烧叉烧(半份) 💲210 ⭐️4.3/5⭐️
每次到访高级中菜，毫无悬念必点叉烧作头盘，龙景轩嘅叉烧色泽亮丽伴随晶莹蜜汁，肥瘦适中带㶶边，入口松化无比，味道合乎水准价钱合理，但个人而言始终钟意稍为有咬口质感嘅叉烧。
55 浏览
0 赞好
0 留言
蜜汁烧叉烧
69 浏览
0 赞好
0 留言
-炸𫗵鲜蟹盖(每位) 💲340 ⭐️4.5/5⭐️
传统中菜厅，除左秘制叉烧之外，亦有依道令人欲罢不能嘅炸𫗵鲜蟹盖，侍应亦有热心介绍必点之作，大厨将原只鲜蟹拆肉混和洋葱丝酿入蟹盖之中，再沾上薄薄炸粉炸至金黄酥脆，上枱已经令人食指大动，急不及待将新鲜热辣冒住热气嘅蟹肉放入口中，每梳蟹肉都啖啖鲜味饱满无比，与洋葱比例亦调配得非常恰当，令人满足度爆灯，实属龙景轩将此道菜色做得精益求精，好推荐。
炸𫗵鲜蟹盖
49 浏览
0 赞好
0 留言
-鲍罗万有(每位) 💲460 ⭐️4.3/5⭐️
难得嚟到米芝莲三星餐厅，同行友人都表示想多试几款菜色，就点咗依份鲍罗万有，砂锅中有鲍鱼、花胶、海参，餐厅烹煮依类食材当然系手到拿来，各样食物都恰如其分地好食，水准之上，但未有有太大惊喜。
鲍罗万有
48 浏览
0 赞好
0 留言
-汤羹🫕
-皇汤鸡丝羹(每位) 💲360 ⭐️4.4/5⭐️
龙景轩其中一样招牌汤羹就系皇汤鸡丝羹，鸡汤浓郁鲜味，将全只鸡嘅精华都集中于一碗汤之中，搭配鸡丝菇丝等增加口感，入口顺喉暖身，整个人精神为之一振。
皇汤鸡丝羹
81 浏览
0 赞好
0 留言
-主食🥘
北京片皮鸭两食(需提前预订) 💲1280 ⭐️4.8/5⭐️
先讲总结，龙景轩嘅片皮鸭暂时系我人生食过最满意嘅一道。
侍应首先将片皮鸭原只奉上比我地我打卡留念，然后将片皮鸭于旁边分切，龙景轩最令人欣赏嘅细心点莫过于侍应系每次只会将1-2份饼皮同片皮鸭放到客人席前，每次等客人食完再奉上另一份，目的系将每一份食材温度保持至最佳水准直至完食。
片皮鸭同饼皮嘅温度每块都保持住高水准，饼皮薄软，片皮鸭皮脆肉嫩，入口外脆内软，无可挑剔。
二食拣咗生菜鸭肉松，鸭肉混合少量脆米增加口感，生菜亦中和番少少整只片皮鸭嘅油腻感。
北京片皮鸭
80 浏览
0 赞好
0 留言
50 浏览
0 赞好
0 留言
-龙景轩炒饭 💲480 ⭐️4.5/5⭐️
其实食完整只片皮鸭已经接近8成饱，但系上枱嘅依道龙景轩炒饭我地都系完美地清咗碟。炒饭粒粒分明不明在下，调味同火候亦精准掌握，配搭各种海鲜增加口感亦令炒饭更加滋味，非常高质嘅一道炒饭。
龙景轩炒饭
169 浏览
0 赞好
0 留言
-甜品🍨
-香芒杨枝甘露 💲92 ⭐️4.4/5⭐️
-杏仁茶汤圆 💲82 ⭐️4.3/5⭐️
-青苹果幕斯 💲150 ⭐️4.3/5⭐️
-美点荟萃(奉送) ⭐️4.3/5⭐️
虽然已经好饱，但仍然叫埋甜品，杨枝甘露非常透心凉，芒果香甜。友人点嘅杏仁茶汤圆亦非常香滑暖心。而西式嘅青苹果幕斯亦做得唔错，酸甜清新中和饱腻感。最后四季酒店嘅糕点一向都好出名，美点荟萃虽然系奉送，但出品亦完全唔马虎，入口酥香，为依餐摘星之旅划上完美句号。
-
总结:龙景轩能够14年连续荣获米芝连三星，餐厅无论食物水准，服务水平等完全无可挑剔，实至名归。大部分食物都有一个非常美满体验，而侍应亦非常热心同留意客人嘅需要，今次晚饭系一个好完满嘅美食之旅体验。
张贴
