Around Wellington (已搬遷) 新店位置

中环其实成个联合国咁，想要揾唔同国家美食，喺中环都会揾到，威灵顿街近排新开咗呢间外卖餐厅Around Wellington，佢嘅菜式就真系集合左各家之大成，沙律、和牛芝士汉堡、醉鸡乌冬、红菜头配意大利饭，就连刀削面都有，而我呢日就食咗蟹籽蟹肉盖饭配甲罗烧，98蚊唔加一，又有嘢饮，对比起其他餐厅算系好抵食㗎啦！我觉得佢好足料，蟹籽蟹肉坚系劲多，捞埋d蟹膏真系好滋味我仲饮到餐厅煲嘅雪梨茶，咁啱𠮶日系大暑，饮完真系又开胃又消暑可能呢间餐厅系主打外卖套餐，所以佢哋嘅饭盒主要系方便大家带走番公司/屋企/其他地方慢慢食，当然佢都有糖食，不过枱櫈就唔算多，可能要同人搭台，如果一大棚人嚟嘅话就未必有咁多位俾你坐，可能就要带返公司慢慢食啦！