江南

营业中

休息中

同朋友喺中环IFC shopping完见到有 间新中菜, 门口餐牌见到食物相片都非常吸引，于是就选择喺呢度食晚餐。呢度装修简单舒适，侍应姐姐非常有礼，简单地介绍几款菜式。我就拣咗夏天最啱食的几款菜式。凉拌海胆茄子卖相一流， 茄子摆放像一个小山丘，顶部铺满金黄色海胆，配上酱汁，非常开胃。韭菜盒子非常喜欢食韭菜的我，呢个菜式相当满意，皮松化馅料多。三角海鲜饺饺子的皮是紫蓝色，仲有金漆点缀，靓到唔舍得食。皮薄馅靓，精致的点心。水蜜桃🍑鬼马虾球我觉得呢个菜夏天食最啱，油炸鬼，新鲜虾球，酱汁系沙律酱混入水蜜桃，清新可口。火腿津白用上汤煮成嘅的津白，再加上金华火腿，清淡又美味。苹果丝伴蟹肉冷面爽甜的苹果丝伴上新鲜蟹肉，再配上冷面，清爽又清新。蔓越莓煎饼蔓越莓非常有益，含水杨酸及维生素C有助美颜及保健，厨师非常有心思，煎饼烟靭，口感非常。再配上两杯夏天特色冻饮, 今餐非常满足。