影片
更多
2023-03-13
929 浏览
作为芝士控嘅一份子，知道Pici推出咗个全新”Chasing Cheese” menu用咗八种黎自意大利唔同地区嘅芝士入馔，当然第一时间要黎食。无论系前菜、意粉，甚至系甜品都可以见到芝士嘅踪影，如果两个人黎食叫tasting menu就可以食匀哂。呢到嘅tasting menu($290 pp)非常抵食，比单点平，可以食到两款前菜、三款意粉同两款甜品，可以喺基本menu或者今期嘅”Chasing Cheese” menu到拣(部分需要加钱)。因为d手工意粉太好食，我哋另外再加咗款添。Ricottina di Bufala $120先上嘅前菜系新鲜水牛软芝士配拖鞋面包。水牛芝士好似cream 咁幼滑，面头嘅系薰衣草蜂蜜，带淡淡薰衣草幽香，搽喺烘到脆身嘅面包上面食就岩哂。Baked Tomino “In Camicia” $140/Tasting menu +$10非常推介呢款前菜，焗流心芝士加上烟熏火腿薄脆，配搭迷迭香蜂蜜，入口先系食到软滑流心芝士同烘到脆卜卜火腿嘅双重口感，香浓芝士同咸香火腿味道好夹，仲有香甜蜂蜜味做点缀。Charcoal Tagliolini Sea Urchin $
呢到嘅tasting menu($290 pp)非常抵食，比单点平，可以食到两款前菜、三款意粉同两款甜品，可以喺基本menu或者今期嘅”Chasing Cheese” menu到拣(部分需要加钱)。因为d手工意粉太好食，我哋另外再加咗款添。
Ricottina di Bufala $120
先上嘅前菜系新鲜水牛软芝士配拖鞋面包。水牛芝士好似cream 咁幼滑，面头嘅系薰衣草蜂蜜，带淡淡薰衣草幽香，搽喺烘到脆身嘅面包上面食就岩哂。
Baked Tomino “In Camicia” $140/Tasting menu +$10
非常推介呢款前菜，焗流心芝士加上烟熏火腿薄脆，配搭迷迭香蜂蜜，入口先系食到软滑流心芝士同烘到脆卜卜火腿嘅双重口感，香浓芝士同咸香火腿味道好夹，仲有香甜蜂蜜味做点缀。
Charcoal Tagliolini Sea Urchin $190/Tasting menu +$20
呢款中环店先食到嘅海胆忌廉汁珍珠带子竹炭细扁面，手工制作嘅扁面加入咗竹炭，口感非常弹牙，个海胆忌廉酱汁浓郁creamy，仲有粒粒带子喺入面。
Ravioli al Gorgonzola $160
同样系中环店限定嘅蓝纹芝士纹芝士威士忌蘑菇酱意大利云吞，云吞系船仔形状可以兜住啲酱汁，粒粒蘑菇加上芝士做成酱汁，仲有少少威士忌嘅酒香。
Maccheroni Truffle & Gorgonzola $190/Tasting menu +$20
意粉方面个人最钟意呢款special menu入面嘅焗松露拉丝蓝纹芝士长卷面。松露加埋芝士焗完出黎真系超香，加埋面头焗到㶶㶶哋嘅芝士粉，芝味十足。手工制长卷面好少地方有得食到，超烟韧嘅口感，加上每一啖都俾浓嘅香浓松露芝士汁覆盖住，超满足。
Ravioli Bottoni ‘Nduja & Smoked Scamorza $170
另一款special menu嘅pasta系呢款辣猪肉烟熏水牛芝士意大利云吞。云吞外表成个波咁好得意，一咬落去d辣汁同猪肉喺口入面爆出黎，芝士仲有独特嘅smoky flavour，非常有特色。
Burrata Cheesecake $140/Tasting menu +$20
甜品方面就叫咗special menu入面二人份量嘅呢款布袋芝士蛋糕配士多啤梨蕃茄果酱。估唔到个蛋糕好大个，一拎起个蛋糕模，d士多啤梨蕃茄果酱就会喺蛋糕面流落黎，非常有心思。个酱汁因为系士多啤梨加蕃茄，除咗士多啤梨酸酸甜甜嘅味道之外，仲有蕃茄好清新嘅感觉，令个芝士蛋糕食落冇咁溜。
Prosecco $70
朋友叫咗杯汽泡酒，甜甜哋容易入口，而且keep住有汽泡。
Italian Passion $65
我就叫咗呢杯无酒精cooler，用咗成半个热情果，加上柠檬、罗勒同梳打水调制，果香浓郁，味道清新。
。
。
Pici (中环)
中环苏豪鸭巴甸街24-26号地舖
。
。
张贴
