GOGO 為食坊

营业中

休息中

這間GOGO為食坊地方闊落，餐牌有好多選擇，中菜、台灣料理、西餐、日式，中西式甜品都有，連12 人既圍餐都有，價錢大眾化。胡鹽中蝦豆腐煲，熱度十足，一煲有十多隻中蝦，大隻鮮甜爽口，豆腐滑身又煎得香，加埋胡椒芡汁，味道微辣惹味，很好送飯。金銀蛋浸時蔬，份量大份，白菜清甜，大量蒜頭，咸蛋，皮蛋切粒舖面。每份主菜可加$20 有湯有飯有餐飲。麻辣豬肚絲，豬肚爽脆，份量大碟，味道辛辣惹味。甜品仲點了雪燕蛋白燉椰皇，好清甜滋潤，蛋白好滑。