景逸軒 (已結業)

喺皇室堡嘅酒楼都唔少，同朋友晚饭，随便拣间，于是乎就嚟咗景逸轩。可能系平日嘅关系，晚饭时间都唔系好多人。呢度嘅装修相信系作婚宴之用，所以环境舒适；而且场地宽尚，晚饭hea吓都唔错。小菜价钱约$100，但选择唔算多。不过两个人食，冇所谓啦！素鹅腐皮卷腐皮卷咗好几层，都算脆，馅料丰富，有红萝卜、西芹及木耳丝等素菜，颇有咬口。点少许醋味道较佳。烧腩仔微暖，肉虽淋，但冇唛层次感同肉味；皮唔够脆，亦唔够香味。可能之前喺龙皇食过好有水准嘅烧腩仔，所以真系有啲比下去。粟米班块呢道菜唔错，班块有薄薄嘅炸粉，少许脆得嚟又感受到班块嘅肉质。粟米汁粉量啱啱好，每件班块都可以沾到汁，送饭一流。整体嚟讲都算ok，不过酒楼嘅小菜始终欠缺镬气；但环境舒适，两者互相balance吓。值得一提系呢度作普通晚饭还可，作为婚宴场地则有待改善，事关洗手间同新娘房感觉麻麻，同区有好多同级酒楼比呢度更好。