籠太子點心專門店

营业中

休息中

十一放假第二日谂住睇夜场电影之前系屋企附近医医肚，行行下就到左呢间笼太子。原本就系俾佢门口果块无味精汤品吸引既，是日系"莲藕猪骨汤"。餐厅门面都ok，入面格局都唔算太逼，我地两个被安排左坐系6人台既边边。点心选择都几多，价钱唔贵，仲有得拣2粒咁上烧卖同虾饺，都几体贴两人细食。我地两个人叫左6𩠌一汤。首先黎左个汤，好大一碗，可以饮成4-5小碗，汤入面有莲藕同猪骨，味道较淡，可能因为无味精。雪山叉烧包: 唔好食，皮唔脆，馅又少，我咬左两啖先食到一旧叉烧，仲要颜色唔系一般叉烧咁既色，唔建议食。翡翠带子肠: 几好味，带子份量多，每旧都有2粒小带子，仲要弹牙。肠粉皮较厚但胜在够滑，可以一。黑椒金钱肚: 黑椒味浓同少辣，味道惹味，金钱肚弹牙。灌汤饺: 好一般，皮好淋。鹌鹑蛋烧卖: 不过不失。最后埋单两个人食左$153都几平，不过总体黎讲野食质素一般，楼面伙记好似唔太够使，得2,3个人。不过都算中规中矩，附近既街坊可以一试。