影片
更多
2019-08-27
2140 浏览
上网睇莎乐美, 负评不少, 又话汤好杰挞挞, 又话牛扒㶶咗一边.....虽然如此, 但无计啦! 女友话未试过莎乐美想试一下㖞.....唉.... 女朋友话要食, 做男人就尽量带佢食, 如果反女友意见唔带佢食, 相信以后会无啖好食. (>_<)大不了, 咪食一次无覆桌啰...未行入餐厅斋睇门面, 七八十年代味道已经出哂黎.一开门, 冷气够, 掂!上咗二楼, 点咗个铁板T骨同铁板西冷, 两个都七成熟.优点 :1, 虽然个餐包唔太热, 但好多餐厅已经无提供牛油餐包噜2, 餐汤点咗一红一白, 白汤内居然有块梳打饼, 而白汤名副其实杰挞挞! 点解系优点? 因为夹我口味啰! 如果唔中饮杰汤就视为缺点吧....3, 铁板系劲热辣手发出吸引嘅咋咋声! 同深水埗把鬼飞X简直差天共地!4, 总觉得铁板餐要有个蕃茄, 薯条同杂菜粒先完美, 虽然莎乐美转用薯角代替有D美中不足, 但份量无偷工减料, 可以接受啦.5, 不论T骨同西冷, 份量劲大, 由其系T骨, 大过块铁板!6, T骨肉质较冧, 西冷肉味较重.7, 上扒速度快.8, 甜品系我中意嘅朱古力味. 缺点 :1, 记然块铁板咁热, 当然食
虽然如此, 但无计啦! 女友话未试过莎乐美想试一下㖞.....
唉.... 女朋友话要食, 做男人就尽量带佢食, 如果反女友意见唔带佢食, 相信以后会无啖好食. (>_<)
大不了, 咪食一次无覆桌啰...
未行入餐厅斋睇门面, 七八十年代味道已经出哂黎.
一开门, 冷气够, 掂!
上咗二楼, 点咗个铁板T骨同铁板西冷, 两个都七成熟.
优点 :
1, 虽然个餐包唔太热, 但好多餐厅已经无提供牛油餐包噜
2, 餐汤点咗一红一白, 白汤内居然有块梳打饼, 而白汤名副其实杰挞挞! 点解系优点? 因为夹我口味啰! 如果唔中饮杰汤就视为缺点吧....
3, 铁板系劲热辣手发出吸引嘅咋咋声! 同深水埗把鬼飞X简直差天共地!
4, 总觉得铁板餐要有个蕃茄, 薯条同杂菜粒先完美, 虽然莎乐美转用薯角代替有D美中不足, 但份量无偷工减料, 可以接受啦.
5, 不论T骨同西冷, 份量劲大, 由其系T骨, 大过块铁板!
6, T骨肉质较冧, 西冷肉味较重.
7, 上扒速度快.
8, 甜品系我中意嘅朱古力味.
缺点 :
1, 记然块铁板咁热, 当然食到我身水身汗啦!
2, 座位狭窄.
3, 30几年历史嘅餐厅虽然怀旧, 但环境污糟咗少少, 身旁格仔墙藏有不少灰尘.
4, 灯光太暗, 暗到女友生暗疮都睇唔到!
5, 饮品太细杯.
6, 餐包唔够热.
7, 红汤感觉求恋期, 无牛腩, 好水, 味道只有咸味, 饮一啖就放底.
8, 侍应服务仍停留系三十年前, 听到佢同其他食客讲话态度一般.
9, 收加一小赈.
问女友有咩评价，佢话一般，好好好又讲唔上，好差又唔系啰，所以，俾 ok 啦！
张贴
