麻辣串串香 (已結業)

朋友介绍去一家小店度食串烧， 串烧通常好多肉， 对于女仔嚟讲可能会系一个负担， 但睇下menu发觉原来好多蔬菜类 ，所以即刻坐低落单！烧扇贝～ 扇贝非常大只，差不多有一只手掌的大小，肉质非常之鲜甜， 食落一啖啖蒜香！烧金菇～ 非常之爽脆，加上锡纸包住孜然粉同蒜蓉，全部味都落晒去金菇度，里面每一啖都系可以有香浓嘅蒜蓉同埋孜然粉味！烧韮菜～ 我觉得系一件好有手工嘅事嚟！因为要将一条条韮菜串落去一支竹签，其实系不容易，看出师父的心机，而且烧得系非常之入味，估唔到韭菜配孜然粉系这么的出色！烧芫茜～ 第一次食！！因为出面好少串烧店可以食到芫茜！估唔到烧出嚟嘅时候会散发一阵一阵的清香，把芫茜嘅味全部都带晒出嚟！烧茄子～ size好大！而且蒜蓉都十分之足够！ 夹著埋茄子肉，真系一梳梳 沾满晒蒜蓉！而且一啲都唔干！烧鸡翼～烧得外脆内软，而且烧到鸡肉依然非常juicy ，难得难得！重庆酸辣粉～ 男人总要食啲淀粉质先至会够饱，重庆酸辣粉味道好惹味， 感觉正宗，配埋响铃简直一绝！