夜燒站

营业中

休息中

发现荃湾有间新开串烧店，初时有啲犹豫惊食唔饱，因为当晚餐！最后见到餐牌发现有饭团、有丼、仲有乌冬，即刻可以一试啦！店舖唔大，一眼望落有六张四人座位，入面仲有两三张二人座位，舖头细细但系装修几靓，一入门口𠮶幅墙好特别！串烧全部都即叫即整，款式又多。牛、猪、鸡、海鲜都有，仲有一啲炸物。完全系啱晒钟意饮两杯嘅人！款款热辣辣味道又唔错！一叫完嘢就有个前菜送！牛猪鸡都试晒！仲叫左个饭团同火山丼来试吓，饭团一样都系烧过，所以出面脆，最后一定好够饱！最后一个烧菠萝消滞！烧菠萝🍍上面有一层焦糖，甜甜地又有少少酸酸地！不过由于即叫即烧所以时间上会耐少少！