樓下冰室

营业中

休息中

今晚唔想煮饭，又要去我哋个饭堂食饭，上次食完觉得佢嘅份量几大碟，仲要我哋几钟意食冰室，尤其是佢杯奶茶，所以今晚特登再嚟食饭。今次系第二次嚟食，食物款式好多，同埋怀旧嘅美食先系最吸引人嘅地方，叫咗一个饭同一个面，两个人食啱啱好。叫咗个猪骨汤底，菠菜煎蛋配芝士，另外叫咗两条肠仔，想试吓佢哋嘅猪膶，猪膶入口弹牙，唔会好鞋，鸡蛋入口好嫩，另外仲有香浓嘅芝士，好味。之后叫咗个焗猪扒饭，个焗猪扒饭同大集团绝对有得挥，先讲份量，入边有成两至三大块猪扒，猪扒好松软，个蕃茄汁好浓郁，同埋都几多汁，另外个炒饭底不得了，入边见到好多鸡蛋，一啲都唔马虎。佢呢度有红豆冰奶茶，梗系要试吓，红豆起沙，奶茶唔太甜，好味。