影片
更多
2024-12-01
51 浏览
系旺角大家一定揾到唔少以台式料理为主既餐厅，但可能佢地所用既食材都唔系黎自台湾～呢间餐厅就唔同佢地系选用新鲜台湾原材料制作，而且餐厅用左开放式设计街用朗豪坊顶部玻璃自然光，夜晚食好有气氛🤭餐厅设有即制台式饮品供顾客外卖，另外亦有小薯茄打卡位，大家买完杯饮品记住同小薯茄打埋卡先走呀☺️另外餐厅选用台南新派冰糖卤水配方，有多款卤水小食任君选择🙊而家午市仲做紧$88 set lunch，一个餐有齐一碗面加两款主食（可选卤水小食、盐酥鸡等等），另外仲有一款小食加一杯台式饮品🥤真系好抵食～餐厅采用自助形式有部机通知你可以取餐，另外食完都需要自己捧餐去收餐区☺️—————————————————————————————♦️ 蕃茄牛腱乌冬：汤底带点微辣唔会好酸，而且好足料有鲜甜既蕃茄蓉，表面加配左紫菜食起上黎更有口感，而且紫菜仲好脆🤭牛腱唔臊有种入口即溶感觉♦️ 醉封门柳乌冬：汤底鲜甜唔咸，配料有卤水蛋、萝卜等都几入味🤭封门柳有淡淡酒香味，肉质鲜嫩可口，份量适中♦️ 卤水金钱肚：秘制卤水汁够晒香仲好入味，卤水汁渗晒入金钱肚中，而且金钱肚口质好腍，无牙都食到👍🏻♦️ 卤鹅肠：鹅肠长度够晒长，唔会整到碎湿湿，而且唔
餐厅设有即制台式饮品供顾客外卖，另外亦有小薯茄打卡位，大家买完杯饮品记住同小薯茄打埋卡先走呀☺️另外餐厅选用台南新派冰糖卤水配方，有多款卤水小食任君选择🙊而家午市仲做紧$88 set lunch，一个餐有齐一碗面加两款主食（可选卤水小食、盐酥鸡等等），另外仲有一款小食加一杯台式饮品🥤真系好抵食～餐厅采用自助形式有部机通知你可以取餐，另外食完都需要自己捧餐去收餐区☺️
—————————————————————————————
♦️ 蕃茄牛腱乌冬：汤底带点微辣唔会好酸，而且好足料有鲜甜既蕃茄蓉，表面加配左紫菜食起上黎更有口感，而且紫菜仲好脆🤭牛腱唔臊有种入口即溶感觉
♦️ 醉封门柳乌冬：汤底鲜甜唔咸，配料有卤水蛋、萝卜等都几入味🤭封门柳有淡淡酒香味，肉质鲜嫩可口，份量适中
♦️ 卤水金钱肚：秘制卤水汁够晒香仲好入味，卤水汁渗晒入金钱肚中，而且金钱肚口质好腍，无牙都食到👍🏻
♦️ 卤鹅肠：鹅肠长度够晒长，唔会整到碎湿湿，而且唔会好难咬开🙊
♦️台式粗薯条：个人推荐💖薯条新鲜即炸，香脆可口而且够晒大条😍入面好足料有好多薯仔蓉，咬落亦唔觉好油腻
♦️炸花枝丸：口感层次丰富，炸得好香，入面有唔少花枝肉，好味😋
♦️单骨鸡翼🍗：绝对推荐比食得辣既朋友，店主好贴心帮大家剪开变单骨，鸡翼炸到外脆内软，炸皮厚度适中，鸡翼够晒辣而且好惹味仲好多肉汁
♦️芒果茶冻🍧：仙草超嫩滑而且甜度岩岩好，入面好足料有好多寒天、椰果同仙草，而且芒果味一啲都唔假，份量都几多可以同人share都得👍🏻
♦️黑糖珍珠奶茶🧋(5分甜)：我个人觉得下次可以再拣少啲糖，黑糖味道同茶底好夹，珍珠size岩岩好细细粒易咬啲
♦️葡萄柚绿茶(7分甜)：佢可以比你拣茶底有铁观音同绿茶，今次拣左绿茶底，葡萄柚同绿茶既配搭好清新，甜度都适中💖就算唔堂食都可以买番杯饮
评分🖍️(满分为5个🌕)
抵食指数：🌕🌕🌕🌗🌑
服务质素：🌕🌕🌕🌕🌕
环境：🌕🌕🌕🌕🌕
味道：🌕🌕🌕🌗🌑
📍 俩仨杯x小薯茄主题店 (旺角)
旺角亚皆老街8号朗豪坊12楼01号舖
张贴
