Green Common (如心廣場二期) (已結業)

Green common 开到好多地方都有，愈来愈多人愿意试下素食。呢间店铺最突出系佢卖既好似肉但其实冇肉成份既「未来肉」。未来肉既产品已经出左唔少，仲有埋未来肉午餐肉、汉堡等等，好食又唔会有罪恶感。我地一班人叫左4样野食。第一样系未来午餐肉配素蛋既五谷「颓」饭。未来午餐肉食落真系好似真午餐肉，有晒佢果种少少煎完既香脆味同咸味，亦有佢果种弹口既肉感。素蛋口感似玉子烧，食落系豆味冇蛋味。第二样野食系咖哩未来肉汉堡扒饭，日式咖喱汁少少偏甜香口，汉堡肉好野味，味道系同真肉汉堡有少少分别架啦，不过又唔会觉得差好远味道怪，大概最大分别系冇左肉类既油脂味。成个饭虽然听落系heavy但系食落又唔觉腻同油，又唔觉因为食得油而有罪疚感。另外叫左两款小食分别系红油抄手同未来鸡堡。未来鸡堡其实第二间餐厅都有，口感味道同麦乐鸡差不远。红油抄手够惹味，同真抄手可以话冇分别，系份量少左啲，但都不妨试吓。