興樂菜館

营业中

休息中

入到长洲，点可以唔食海鲜呢。可能呢日去系红日，系晚餐时段真系排左劲耐队！但听朋友推介呢间蓝格台布海鲜店系好好食，所以都乖乖地排左差唔多1个钟队。虽然我同朋友夹埋得2个人，可能排得太耐，变得太饿，所以我地叫左4个菜既套餐。粉丝蒜蓉蒸扇贝同平时系酒楼食开既味道一样，略嫌唔够入味，有点淡。不过以呢个价钱，有5个咁既SIZE既扇贝，都尚算佛心之作。豉椒炒蛏子呢个就好入味啦！有镬气之余，D蛏子吸晒D味，食到唔停口，配白饭食真系一流。我见都几多人都叫呢碟菜，睇黎都叫得冇错。不过份量有点少，同埋多空壳。鱼香茄子炒得好入味，茄子好软熟，同炒蛏子既酱汁近似，送饭食真系一流。炒通菜最后都叫左点蔬菜清清肠胃，菜量非常多，差D食唔晒。可能期待太高，令到我觉得味道并非朋友所讲既咁好。不过系咁便宜既价钱（人均消费百几蚊），可以食到海鲜都算系咁。但会唔会用1个钟再排队食佢？我谂未必了。