渝味曉宇重慶老火鍋 (太子集團中心) (已結業)

此乃久仰大名的麻辣火锅，一直都好想去试，因为一直都只系独爱老锅，但呢间听好多人讲好好食，咪试下啰～麻辣都系我最爱！先来前菜红枣冰糖雪耳糖水，好清甜好好味，但我真系唔知点解要食正餐之前就系甜品哈哈～仲有就系糍粑，好似日式年糕咁，甜甜地好好味呀！（不过好似食完呢个会饱左哈哈）呢个锅同台式真系好唔同，我地叫左鸳鸯锅，系麻辣的大铜上面有个大骨汤，等你辣到快飞起的时候可姒过下冷河～成件事个辣真系好重庆好内地既食法，因为好多内脏食，首先系招牌菜牛骨髓、王牌牛肝、我最爱的猪红，就连唔系好多地方有得食既猪天梯都有得食，同行朋友真系好中意食猪天梯，成碟食晒～好中意个苕粉，感觉就系薯粉，放落麻辣汤入面，好吸汤好入味呀，我食到停唔到口～不过食完真系有点油。我地仲有叫耗儿鱼、炸豆皮、墨鱼滑、秋葵、鲜菇等，全部都话咁快清晒，证明个汤底有几惹味！肥牛好靓～好柔软而且加埋店家秘制麻油，真系好好味！店员好热心咁推介个甜品南瓜饼，中间有一点点豆沙，食落好似豆沙锅饼，炸到好香口，成完咁重口味既野有啲甜野中和下个口都系好事。