初味

营业中

休息中

好耐以前同朋友食过大围一间酒吧餐厅的西班牙烧乳猪，对呢个味道念念不忘。呢个菜式唔系普通西餐有。所以上网见度呢度有得食，所以就专程去试下。加上呢间餐厅专系食海鲜同西日fusion菜，生蚝﹑意粉﹑牛扒……全部都系我最钟意食既野！首先食左头盘先，我地叫左法国同爱尔兰生蚝。法国生蚝食得多，今次特别试下爱尔兰生蚝，味道新鲜creamy之余，肉质脆口鲜甜。其实我可以自己一个食晒成碟！我最最最期待既主角就系呢碟西班牙烧乳猪，亦都系呢间餐厅最推介既菜式之一。同行既朋友之前未食过，佢地唔明点解我会咁兴奋。当朋友们食左第一口之外，个个都话好好食！外皮同食开中式乳猪系完全唔同！新鲜出炉西班牙烧乳猪，皮薄但非常脆口，仲要一Ｄ都唔油腻，肉质嫩滑，有入口即溶既感觉，加上秘制的酱汁，无敌！之前原全无谂过会专登黎天后食西餐，今次真系意外惊喜。系西班牙烧乳猪会比较贵之余，其实意粉呀，意大利饭﹑牛扒果Ｄ真系唔贵。加上环境几靓，朋友gathering黎呢度真系唔错选择。