鈺膳潮州菜 (駱克道) (已結業)

虽然我本身系一个潮州人，但爸爸妈妈系屋企从来都好少煮潮州菜食。因为煮潮州菜要煮得好食一啲都唔容易，而且要好多功夫💪🏾。今日，特登同爸爸妈妈嚟湾仔食钰膳潮州私房菜，个个朋友食完都大赞好味。地点非常就脚，湾仔地点站一出斜对面就系。餐厅非常新净企理，每一台枱上面，都有花做摆设，而墙身都挂满了一些字画，甚有书卷味。另一方便，餐厅非常之阔落，枱与枱之间有好多空间，唔会觉得好迫。本身谂住散叫食，但最后都系叫咗个四人套餐，$488，因为套餐真系好抵，仲好丰富👍🏾👍🏾1⃣驰名卤水鹅肉我肉嘅质地非常软腍，肉身一啲都唔硬，肥瘦岩岩好，仲好入味、好juicy2⃣潮阳虾蟹枣食得出有虾同蟹味，粒炸丸加入左马蹄粒，非常爽滑，就算系油炸，咬落去果下都唔会觉得油3⃣胡椒猪肚汤个汤非常之大煲，好香胡椒味，有胡椒既辣味，但又唔会真系好啦辣，容易入口，而且煲汤入面有好多猪肚，食黎食去都食唔完。4⃣黄豆凉瓜排骨凉瓜一啲苦味都没有，无苦涩味，食苦仲有清凉既感觉，黄豆都好腍、唔会硬5⃣瑶柱蛋白炒饭炒饭好香瑶柱味，一d都唔油腻，碟饭仲好大碟，每人起码食左成2碗6⃣是日甜品——清心丸豆爽系一个暖既甜品，清心丸份量好多，而且好q弹，而绿豆都煮得好