鼎泰豐

营业中

休息中

星期五难得齐人，约咗去沙田食饭。鼎泰丰系我哋首选，先到先等。阿女最早到，七点就去到等位，唔使七点半就可以坐低了。太耐冇食台湾菜喇，一于食番够本。四个人开餐，一共嗌咗八样嘢。开胃凉菜要咗香干马兰头同绍兴酒醉鸡。马兰头虽然系野菜，但系就有一种特别嘅味道，喜欢食佢嘅人爱不释手，我就系其中之一。醉鸡系屋企人钟意嘅，呢度做嘅醉鸡有非常浓郁的绍兴酒香，唔似其他餐厅啲这味𩠌，做到酒还酒，鸡还鸡，好似风马牛不相干的。嚟到呢度，当然系要食餐厅出名嘅小笼包。皮薄馅靓，肉汁鲜甜，香港呢个地方也真心揾不到另外一间餐厅的小笼包可以做到咁出色了！台式酸辣汤和虾肉红油炒手也都是我想念的，当然也各要了一份解解馋。主食方面叫咗个红烧牛肉面、虾仁蛋炒饭同台式担担捞面。我个人的至爱系牛肉面。牛肉煮得非常入味，汤汁鲜美，令人百吃不厌。炒饭粒粒分明，每一口都吃到蛋香。呢餐虽然唔平，但系我哋食得非常之开心，算系近期食得比较心满意足的一餐！