新泰東南亞餐廳 (興旺閣)

营业中

休息中

好耐冇食过泰国菜，朋友话湾仔有间唔错，就揾咗个夜晚一齐去食。餐厅楼高三层，装修有泰国风味，好多木制家私同大象装饰。泰国青芒果沙律青芒果切丝，咬落好爽口，微微带酸辣，再配埋香脆嘅腰果食，非常开胃。泰式炒大蚬蚬嘅数量好多，而且非常大只，用咗三色椒同西芹炒，香辣配埋新鲜嘅蚬肉好夹。面包焗咖哩软壳蟹面包焗得外脆内软，咬落表面松脆，点入面黄色咖喱汁食一流，软壳蟹炸得火候啱啱好，食落啖啖肉，黄咖喱唔太辣，个汁加蟹同面包食口感好丰富，难怪会成为餐厅招牌菜。椰青沙冰沙冰非常大，饮落带着椰奶清香，而且非常软身同香滑，好有泰国风味。总括而言，餐厅食物质素不错，难怪朋友会叫我去食。