影片
更多
2016-10-22
8799 浏览
已经有两三年时间没有食放题了，今次难得黎到荃湾，决定上Openrice睇下有咩好介绍，见到瀛喜有第二位$88优惠，所以同朋友决定试一试佢。一入餐厅，店员好快安排我地坐卡位，感觉都好阔落，可以静静地一路食一路倾下计。一开始就可以去自助区拎冷盘同饮品，我地就拎左螺肉同八爪鱼，同两款饮品，而饮品方面都算多选择。食物方面都好有选择，有一排纸仔慢慢拣。先黎一盘刺身，我地叫左三文鱼，甜虾，元贝，鲍片，仲有一板海胆，全部都几新鲜，冇咩雪味，海胆仲有一份紫菜比你包黎食。海胆无腥味，仲有一阵甜甜地嘅味道，必食。之后我地就order 埋其他热食同寿司。全部都系即叫整热，唔会有摆左好耐既感觉。佢地既创意寿司好特别，好似甜虾三文鱼寿司，海胆花之恋，原来寿司都可以玩Mix & Match，甜虾同海胆同时提升左三文鱼既鲜味，第一次食，好过瘾!!烧完既菠萝好好味，烧左更加引出菠萝既甜味，加上厚切，好juicy !而佢地既炸物都好好食，特别系紫薯波波同炸榴梿，入面真系有紫薯同榴梿肉，榴梿暖暖地，好过瘾，同平时就咁食唧榴梿有d唔同，甜d同滑d，我地即刻翻order一次。仲有一品料理都系我必叫嘅， 蒜香牛柳粒好淋又好香，
一入餐厅，店员好快安排我地坐卡位，感觉都好阔落，可以静静地一路食一路倾下计。
一开始就可以去自助区拎冷盘同饮品，我地就拎左螺肉同八爪鱼，同两款饮品，而饮品方面都算多选择。
食物方面都好有选择，有一排纸仔慢慢拣。
先黎一盘刺身，我地叫左三文鱼，甜虾，元贝，鲍片，仲有一板海胆，全部都几新鲜，冇咩雪味，海胆仲有一份紫菜比你包黎食。海胆无腥味，仲有一阵甜甜地嘅味道，必食。
之后我地就order 埋其他热食同寿司。全部都系即叫整热，唔会有摆左好耐既感觉。佢地既创意寿司好特别，好似甜虾三文鱼寿司，海胆花之恋，原来寿司都可以玩Mix & Match，甜虾同海胆同时提升左三文鱼既鲜味，第一次食，好过瘾!!
烧完既菠萝好好味，烧左更加引出菠萝既甜味，加上厚切，好juicy !
而佢地既炸物都好好食，特别系紫薯波波同炸榴梿，入面真系有紫薯同榴梿肉，榴梿暖暖地，好过瘾，同平时就咁食唧榴梿有d唔同，甜d同滑d，我地即刻翻order一次。
仲有一品料理都系我必叫嘅， 蒜香牛柳粒好淋又好香，味道重得黎又唔系好咸！ 日式炒蚬，只只无沙粒，啖啖肉，够镬气！
烧青鱼好香，外皮脆，椒盐咸咸地，一啲都唔腥！一人食份量刚刚好！
食到最后当然去番自助区拎番杯雪糕做甜品啦，除左雪糕，佢地仲有5-6款雪条，不过由于我地食到太饱，唯有留番下次再黎既时候再食啦。
张贴
