影片
更多
2023-10-28
152 浏览
好耐冇过去酒楼食最传统嘅港式火锅，今日难得再回味一下，呢度嘅任食火锅每位$218，每人加$30可以升级，食更多火锅配料。我哋今日就试咗基本嘅$218。汤底都有几多选择，有鸳鸯锅，麻辣锅，澳门猪骨锅，鸡煲，烤鱼等等。我哋怕热气，就清清地叫咗个香茜皮蛋锅，下下火。个汤底有好多新鲜嘅芫荽，皮蛋都好香好靓。另外，仲有好多原粒嘅马蹄，个汤底都清爽清甜。任食火锅有几款海鲜选择，鳝片，鲩鱼骨腩𠮶啲都有，我哋就叫咗海虾，海虾虽然唔系非常大只，中size，但系好新鲜，食落鲜甜爽口。我哋都追加左一两次。肉类方面，雪花肥牛，羊肉片，鸡件，等等基本嘅肉类都有齐晒。特别啲嘅有猪润，好新鲜，口感爽滑。牛柏叶亦都唔错。丸类方面除咗有牛丸贡丸，贵价啲嘅例如蟹籽丸，海胆丸同埋鱼腐都有。蟹籽丸同埋鱼腐几好味。水饺馅料饱满够爽口。不得不提，呢度嘅炸鱼皮几好食，香脆可口，冇油益味。蔬菜我哋就食咗油麦菜，菜心，萝卜同金菇全部都新鲜同干净。饮品全部都系任饮，有多款罐装汽水，啤酒同埋罐装酸梅汤，冰糖雪梨等。酸梅汤很不错。
汤底都有几多选择，有鸳鸯锅，麻辣锅，澳门猪骨锅，鸡煲，烤鱼等等。我哋怕热气，就清清地叫咗个香茜皮蛋锅，下下火。个汤底有好多新鲜嘅芫荽，皮蛋都好香好靓。另外，仲有好多原粒嘅马蹄，个汤底都清爽清甜。
任食火锅有几款海鲜选择，鳝片，鲩鱼骨腩𠮶啲都有，我哋就叫咗海虾，海虾虽然唔系非常大只，中size，但系好新鲜，食落鲜甜爽口。我哋都追加左一两次。
肉类方面，雪花肥牛，羊肉片，鸡件，等等基本嘅肉类都有齐晒。特别啲嘅有猪润，好新鲜，口感爽滑。牛柏叶亦都唔错。
丸类方面除咗有牛丸贡丸，贵价啲嘅例如蟹籽丸，海胆丸同埋鱼腐都有。蟹籽丸同埋鱼腐几好味。水饺馅料饱满够爽口。
不得不提，呢度嘅炸鱼皮几好食，香脆可口，冇油益味。
蔬菜我哋就食咗油麦菜，菜心，萝卜同金菇全部都新鲜同干净。
饮品全部都系任饮，有多款罐装汽水，啤酒同埋罐装酸梅汤，冰糖雪梨等。酸梅汤很不错。
张贴
