家傳滬曉

营业中

休息中

今晚同屋企人，一行8人谂住去食北京填鸭，之前食过呢间都几唔错，立刻打电话订位，原来依加订位只有7点半前或者7点半后两个时段。去到都几多人，人一齐立即叫野食先嚟3个冷盘酒糟猪手 凉拌海蜇 油炆荀，猪手同荀都可接受，不过海蜇就好有问题，唔知点解好多沙🤔跟住就系重点项目～～～北京填鸭，呢个真系唔错，非常得，唔食呢个一定系损失！再嚟系小点，小笼包同葱油饼，小笼包一般，唔算难食，十分普通，葱油饼就麻麻地啦，提意唔洗食。酸辣汤有惊喜，最怕食到劲酸或者劲辣，呢个酸辣汤味道刚好，一定要叫。酸菜鱼，呢个就系全晚难食既冠军！！d鱼肉又腥又有泥味，食到想呕🤮毛豆百叶同铁板牛肉，普普通通，性价比好低。最后到甜品，酒酿丸子，好食，唔太甜，啱啱好。都有叫高力豆沙，不过无影相，又唔够香又唔软熟，完全唔得！总括嚟讲净系得北京填鸭同酸辣汤系比较值得欣赏，感觉上冇再嚟食的需要。