影片
更多
2014-10-14
5156 浏览
积积埋埋，今年都食咗唔少鸡锅，上品花雕鸡锅、鲜人参药膳鸡锅、椰青嘉美鸡煲、黄金芝士鸡煲……等等，不得不佩服当中层出不穷嘅创意，只要肯动脑筋，创意无界限。一向喜欢试新嘢嘅我，从食友嘅食评得知一款「鲜鸡冬瓜粥锅」，清甜下火，就带同老婆及朋友拜访，一尝「奇」味 。位处山林道近尾嘅奇乐香辣鸡煲，门面大大个霓虹灯「奇乐」二字，好易认。餐厅环境有点点似饭堂 ，粗犷水泥地，木枱胶椅，可谓无乜太多余嘅装修，但干浮企理，而且设计窝心实际，如餐枱下有充电器，楼梯口有多组衣柜，就连冷气也刻意调低少许，不怕一边吃一边冒汗啦！如果你喺怕冻之人，餐厅又有披肩供应，心思处处 。餐厅嘅口号就喺「食鸡煲一定系食只鸡」，故此，佢哋主打3款鲜鸡：泰安鸡、嘉美鸡及粤皇鸡，重点均在于油脂少、鸡味浓、无添加喂饲 。3张点菜纸分门别类，包括牛肉、其他肉类、丸类、饺子、海鲜、瓜菜、豆品、粉面……等等，最有趣就连小食、串烧都有，但唔知会有几多人会嗌。 麻辣青瓜、脆炸花生 $8餐前小食，合共先收$8，都喺像征式收费，青瓜醒辣爽脆，花生咸香甘脆。 竹蔗茅根 $48除啤酒、汽水以外，自家制嘅竹蔗茅根或洛神花都喺上佳嘅健康选择，拣
位处山林道近尾嘅奇乐香辣鸡煲，门面大大个霓虹灯「奇乐」二字，好易认。餐厅环境有点点似饭堂 ，粗犷水泥地，木枱胶椅，可谓无乜太多余嘅装修，但干浮企理，而且设计窝心实际，如餐枱下有充电器，楼梯口有多组衣柜，就连冷气也刻意调低少许，不怕一边吃一边冒汗啦！如果你喺怕冻之人，餐厅又有披肩供应，心思处处 。
餐厅嘅口号就喺「食鸡煲一定系食只鸡」，故此，佢哋主打3款鲜鸡：泰安鸡、嘉美鸡及粤皇鸡，重点均在于油脂少、鸡味浓、无添加喂饲 。
3张点菜纸分门别类，包括牛肉、其他肉类、丸类、饺子、海鲜、瓜菜、豆品、粉面……等等，最有趣就连小食、串烧都有，但唔知会有几多人会嗌。
麻辣青瓜、脆炸花生 $8餐前小食，合共先收$8，都喺像征式收费，青瓜醒辣爽脆，花生咸香甘脆。
竹蔗茅根 $48除啤酒、汽水以外，自家制嘅竹蔗茅根或洛神花都喺上佳嘅健康选择，拣咗前者，贪其清甜滋润，冰冻解渴。
调味架酱料无咩太大惊喜，都喺金蒜、辣椒、芫荽、蒜茸、葱粒、七味粉，加上我哋想食得清啲，都无太大「混酱」。值得一赞喺调味架有盖冚，整洁卫生，而且，无论点菜纸，抑或事后收费单，都唔见有收酱料钱，让人觉得够大方 。
鲜鸡冬瓜粥锅 $198（半只）/ $338（一只） 除咗依个「鲜鸡冬瓜粥锅」，店方仲有仍然大热嘅「麻辣鸡煲」及近嚟较新兴嘅「椰子鲜鸡煲」。以半个大冬瓜去顶兼挖空中心，放晌大铁锅内，将冬瓜注入米水作为打边炉之用，讲嚟又奇怪，食到尾都唔见啲米水由冬瓜渗出嚟，铁锅内仍然喺清水一锅，又笃过个冬瓜，证实喺穿底，何解唔晌个底渗出嚟？此外，仲有一点颇有趣，当个锅滚起时，只有冬瓜内啲米水汤滚跳起，但铁锅内清水依然悠悠淡定，认真奇趣无穷 ，问极个店长都唔讲我知点解。
虽然我哋点半只新鲜嘉美鸡嘅份量，但绝不可以小覤，足够3-4人食用。的确鸡嘅皮下脂肪好少，肉质非常鲜滑 ，不过，都唔好煮太耐，个人觉得滚起个汤先放鸡煮，5min左右差不多，亦唔好一次放大多鸡件，因为「冬瓜粥锅」空间比正常鸡煲细好多。故此，品尝依个鲜鸡冬瓜粥锅一定唔可以心急，要慢慢涮，慢慢叹。
桶蚝 $190 当我哋点咗鲜鸡冬瓜粥锅，店长俾咗少少个人意见，就喺唔好拣太浓味嘅食物作火锅料，否则个锅变得浓浊。所以，海鲜类就几合拍喇，桶蚝一客虽然只有6只，但只只硕大无比，灼完都无乜点缩水，鲜甜味浓 。
桂花蚌 $98 仲以为碟底垫咗好多菜丝，实质大碟无欺场，桂花蚌够新鲜，轻灼之后，口感爽脆，沾少少酱油、葱花，味道更鲜。
猪天梯 $58本来心水拣一、两款牛肉，不过，听完店长建议就改选两款猪肉类。其一就喺猪天梯，即喺猪下扒，平时甚少食嘅冷门食材，外形好独特，入口有少少似猪软骨，脆脆韧韧，唯美中不足喺有啲臊猪味，好似未洗得够干净嘅猪肚咁。
黑豚肉 $68 一客只有7片，近$10一片，唔太肥，但油脂平均，初时因为喺猪肉关系，煮过笼而有啲韧，之后煮快少少，除几浓肉味外，肉质细致柔滑 。
手打四宝丸 $98 讲明「手打」，有相你睇，四宝包括牛丸、鲮鱼丸、虾丸及墨鱼丸。我哋整体觉得，牛丸加咗陈皮宁舍香，牛肉味浓，但口感似牛根丸，唔喺爽口一类；鲮鱼丸几有鱼香，质感鲜爽；虾丸加入咗蟹籽，亦留番少少虾肉，爽弹有口感；而墨鱼丸浓浓墨鱼味，果然真材实料 。
鲜腐竹 $38 鲜腐竹堆到成碟小山丘，又喺无乜揾蔬菜垫高晒，份量十足。腐竹要灼熟不用花太多时间，食落豆味浓，口感软软滑滑。
秋葵 $30 秋葵用嚟打边炉都算少见，其实太太几钟意佢滑潺潺嘅口感，更重要喺佢有益健康，上网查查就知，既清热解毒，又对肠胃消化有帮助，据说更有治糖尿之效，防止贫血及骨质疏松，所以，多吃无妨 。
什菇菜篮 $68太太及朋友都喜欢食菜，一份什菇菜篮样样有就最好不过，菜篮摆得靓靓，感觉都好啲，但讲到尾，蔬菜够新鲜就好足够嘞。
讲明「粥锅」，临尾梗喺滚个粥嚟食，跟店员讲要粥，佢会拎一碗粥水，加入汤底煮绵少少，收收水。虽然打咗成晚边炉，但个粥煮出嚟出奇唔浊，清新淡雅，唔肥腻，米粒少少绵，感觉颇为健康 。事后再问过店员，粥水可添一、两次，唔太过份店方都唔介意。有兴趣仲可以刮少少内壁嘅冬瓜肉嚟食，好清甜，不过，唔好期望可以刮得好深，「煮」咗成晚，只喺薄薄一面煮腍咗。
整体无论个粥锅，还是火锅配料，都非常合心水，好适合想食清一点嘅朋友，而且，甚具质素，所以，我哋都食得乐在其中。从点菜纸，仲见佢有栏「不时不食私房菜」（$498 / 位），定价或许有点高，如用料、质素够上乘，相信值得一试！
张贴
