泰傳奇 (已結業)

嚟到九展同仔买校服，行行下先知原来2楼好多野食，拣咗间泰国餐厅食个lunch☺️餐厅都几阔落开扬，枱与枱之间距离都几阔，坐得舒服😌点咗个海南鸡饭($62)俾仔仔，份量都唔少，鸡件有5-6件，鸡肉嫩滑，加埋姜蓉一齐食仲正，油饭劲香又软熟，平时唔钟意食饭嘅仔竟然食咗一大半！我就点咗海鲜喇沙米线🍜($65)，滑滑米线加上满满椰香浓郁汤底，仲有豆卜、鱿鱼、青口、虾等配菜，又几好味😋饮品一杯加$8，珍多冰满满椰奶香，斑斓粉条几好咬，龙眼冰有几粒龙眼肉，味道清甜