博多·爐端燒

营业中

休息中

香港好少九州料理位于尖沙咀竟然有一间由日本人主理嘅博多炉端烧。餐厅居酒屋格局，可以清楚见到师傅烹调食材，我哋今次叫咗套餐，包括前菜，海鲜，炉端烧，主食及甜品。首先嚟咗三个前菜，有柚子鱿鱼，墨鱼汁鱿鱼及沙律前菜非常开胃，适合送酒。再嚟就系原只九洲产荣螺，加入清酒，配合海鲜嘅咸香仲可以将汤汁全部饮用。博多鸡颈肉及牛舌亦系餐厅主打烧得，非常香脆嘅鸡颈肉配上蛋黄汁，非常惹味。烧牛舌用上日本和牛，啖啖油香忍唔住一件接一件。野菜方面就系面豉烧茄子，所有食材都是日本新鲜到港。当已经七成饱嘅时候，竟然仲奉上鳗鱼饭，鳗鱼先蒸后烧非常嫩滑，鱼油丰富，配上日本产米就算几饱都要将佢食埋。最后甜品就系红豆烧饼及鸡蛋布甸为套餐画上完美句号。