影片
更多
2022-07-12
520 浏览
利申：真实食后感未开业之前路过见到门口就已经谂住开业之后试下，于是今日lunch就谂住试下九龙坎，见佢有午市$96肥牛餐就试下啦，黎左套餐之后过一阵侍应埋黎同我讲我未点锅，于是一睇，一个锅$100＋，不过野食到晒都好难退餐走人，于是叫个最平既汤底黎试。老老实实，d酱料味道唔差，食材质素都系正正常常，不过睇相都见，就系相咁多野，芝士肠、菜、肥牛、炸枝竹，再多碗饭，白萝卜同蕃茄呢d滚汤料都唔会点食，茶要另外加5蚊所以冇叫。$96肥牛餐＋$25酱料费（每位计）＋$106蚊最平既锅，再加一服务费，相入面一set已经$250，如无意外我应该唔会再去，基本上如果4个人去食都嫌野食小，我一边食一边谂自己用放题价买左几片肥牛......其实食果阵有侍应埋黎话如果我影相分享落OpenRice,社交平台果d会免费送多碟野食，不过睇返张相，$250得呢d，其他分比得再高，抵食果项都比唔到高分呀.... 比250呢个价钱仲要食得唔满足，想我点比好评?....其实我系门口入去之前已经问侍应有冇lunch set，有我就入去，估唔到lunch set都系要另外点个过百蚊既锅，失晒策
未开业之前路过见到门口就已经谂住开业之后试下，于是今日lunch就谂住试下九龙坎，见佢有午市$96肥牛餐就试下啦，黎左套餐之后过一阵侍应埋黎同我讲我未点锅，于是一睇，一个锅$100＋，不过野食到晒都好难退餐走人，于是叫个最平既汤底黎试。
老老实实，d酱料味道唔差，食材质素都系正正常常，不过睇相都见，就系相咁多野，芝士肠、菜、肥牛、炸枝竹，再多碗饭，白萝卜同蕃茄呢d滚汤料都唔会点食，茶要另外加5蚊所以冇叫。
$96肥牛餐＋$25酱料费（每位计）＋$106蚊最平既锅，再加一服务费，相入面一set已经$250，如无意外我应该唔会再去，基本上如果4个人去食都嫌野食小，我一边食一边谂自己用放题价买左几片肥牛......
其实食果阵有侍应埋黎话如果我影相分享落OpenRice,社交平台果d会免费送多碟野食，不过睇返张相，$250得呢d，其他分比得再高，抵食果项都比唔到高分呀....
比250呢个价钱仲要食得唔满足，想我点比好评?....
其实我系门口入去之前已经问侍应有冇lunch set，有我就入去，估唔到lunch set都系要另外点个过百蚊既锅，失晒策
张贴
