叁不館

营业中

休息中

最近睇完九龙城寨，上网见到呢间好有香港特色嘅火锅店，就即刻忍唔住去试，呢度嘅装饰好有九龙城寨大排档嘅feel，好正！汤底我哋拣咗麻辣同埋沙嗲双拼，我自己钟意麻辣汤底多啲，辣度啱啱好又唔会好油，麻中带香，值得一试。酱料都一啲都唔输蚀，成盘酱料要乜有乜。我哋嗌咗一碟肥牛、黑毛猪、虾、鲍鱼同埋午餐肉饺，每碟份量都好大，三个人都食得饱，而且全部食材都好新鲜，食落肉味好香好鲜嫩，鲍鱼都系好弹牙嘅，最特别一定系呢个午餐肉饺，真系第一次试，但一啲都唔伏，都几特别，想试新嘢嘅绝对可以试吓！饮品方面我哋嗌咗三支啤酒，好适合一班朋友喺度饮吓酒打吓边炉倾吓偈聚吓旧，虽然环境装修系大排档feel，但其实坐得好舒服，冷气够，位置又阔落，系一间唔错嘅火锅店，呢个价位食到呢个质素嘅火锅，我觉得绝对系物超所值，下次想再打边炉嘅话一定会再嚟呢间！