666泰船麵 (仁愛街) (已結業)

喺附近行完商场，就想食啲东南亚嘢食，行过见到呢间餐厅就入咗去。入到去就见到个装修好Stylish，好清楚咁见到个老细好钟意玩，生活都多姿多彩。牛肉船金边粉(细)碗面汤底浓郁，金边粉幼身咁食落同喺越南食嘅船面一样，而配料就有芽菜、香叶、炸猪皮、肥牛、牛丸同埋牛腩粒。值得一赞嘅系佢嘅炸猪皮真系炸得好脆，咬一啖同埋啲面食，个口感配合得好好，牛丸都有牛肉味。猪肉船金边粉呢个面汤底同牛肉𠮶款唔同，配料转左做猪肉片、猪肉丸同埋猪肚。猪肉片嫩唔韧，猪肚就几爽。泰式炸鱼饼一上枱就闻到好香嘅泰式香料味，食落会觉得辣辣地，就咁食都正。如果点埋枱面嘅甜辣酱，味道会更加丰富。猪肉串烧呢个串烧咬落好松软，似系用左刀背剁过，加上个沙嗲汁真系好好食。花胶椰子炖鸡汤椰子肉非常之多，再加上佢有好多花胶，女朋友觉得非常之养生。而且饮完唔口渴，应该真系冇乜味精。泰式奶茶饮落唔错，但个人钟意茶味再比较浓啲𠮶种。