影片
更多
2022-04-28
379 浏览
「小编表示：即使sem尾大爆炸，都要出坚持post刷存在感:‘>」被誉为小泰国嘅九龙城中，泰国餐厅遍布横街小巷，有选择困难嘅朋友唔知拣边间好？黎金宝泰国餐厅就啱啦！餐厅于九龙城屹立20年，现时设有两间分店，厨师水准同食物质素都相当有保证。小编黎亲九龙城食泰国菜，十次有九都系食呢间，因为实在太好食了！今日就同大家介绍7道回头指数最高嘅菜肴～💁🏻♀️第七名：黄咖哩鸡檬鱼露捞檬就听得多，黄咖哩捞檬又有冇见过？小编第一眼见到就觉得新奇，于是勇闯一试，竟然又几好食。有别于用平时冻食嘅捞檬，热食嘅檬粉较柔软细滑，同温和醇厚嘅黄咖哩又几匹配。黄咖哩辛辣味较淡，椰香甜味浓厚，对唔食辣但又想食咖哩嘅朋友而言，绝对系推荐之选！💁🏻♀️第六名：生菜包猪肉厨师将肉碎同泰式香料放落擭爆炒，释出嘅猪油令香料味道更突出，令猪肉更嫩滑。生菜爽脆，猪肉烟韧，包住黎食口感十足。清新嘅生菜令猪肉嘅油腻感全消，剩下系口中嘅只有早已渗入肉碎中嘅辛辣味，十分惹味！💁🏻♀️第五名：冬阴功又系一道令人倍有食欲嘅菜肴。材料虽简单味道却浓郁，包括大虾、番茄、红椒、香菇、椰奶、香茅等各种香料。香茅令酸辣汤底味道更浓厚，椰香味恰到好
「小编表示：即使sem尾大爆炸，都要出坚持post刷存在感:‘>」
被誉为小泰国嘅九龙城中，泰国餐厅遍布横街小巷，有选择困难嘅朋友唔知拣边间好？黎金宝泰国餐厅就啱啦！餐厅于九龙城屹立20年，现时设有两间分店，厨师水准同食物质素都相当有保证。小编黎亲九龙城食泰国菜，十次有九都系食呢间，因为实在太好食了！今日就同大家介绍7道回头指数最高嘅菜肴～
💁🏻♀️第七名：黄咖哩鸡檬
鱼露捞檬就听得多，黄咖哩捞檬又有冇见过？
小编第一眼见到就觉得新奇，于是勇闯一试，竟然又几好食。有别于用平时冻食嘅捞檬，热食嘅檬粉较柔软细滑，同温和醇厚嘅黄咖哩又几匹配。黄咖哩辛辣味较淡，椰香甜味浓厚，对唔食辣但又想食咖哩嘅朋友而言，绝对系推荐之选！
💁🏻♀️第六名：生菜包猪肉
厨师将肉碎同泰式香料放落擭爆炒，释出嘅猪油令香料味道更突出，令猪肉更嫩滑。生菜爽脆，猪肉烟韧，包住黎食口感十足。清新嘅生菜令猪肉嘅油腻感全消，剩下系口中嘅只有早已渗入肉碎中嘅辛辣味，十分惹味！
💁🏻♀️第五名：冬阴功
又系一道令人倍有食欲嘅菜肴。材料虽简单味道却浓郁，包括大虾、番茄、红椒、香菇、椰奶、香茅等各种香料。香茅令酸辣汤底味道更浓厚，椰香味恰到好处，唔会掩盖酸辣味，大虾同番茄煮得好入味，趁热饮汤既暖胃又惹味。
💁🏻♀️第四名：菠萝焗饭
熟嘅菠萝同三色豆系小编由细到大最讨厌嘅食物。势估唔到，用一堆难食嘅食物炒饭，再配上肉松一同食用，竟然意外地好食，有点惊喜。炒饭份量偏多，粒粒分明，口感偏干身，味道味酸中带清甜，非常开胃，加上浓郁嘅让人大口大口食过不停。另外用菠萝盖作饭碗大大提升食物美感，打卡指数爆棚！
💁🏻♀️第三名：泰式炒金边粉
金宝嘅炒金边粉添、酸、咸、辣共治一炉，入甜酸味突出，后劲偏咸辣，系小编食过咁多间泰国餐厅中味道层次最分明嘅金边粉。另外面条口感偏淋，虽湿润，却不油腻。至于两只熟虾肉质紧实爽口，虾味突出。值得一赞嘅系厨师使烹调时将蛋丝一同下擭炒，蛋香味拎整道菜嘅味道更上一层楼。
💁🏻♀️第二名：泰式猪颈肉
金宝嘅烤猪颈肉，绝对系我食过最好食嘅泰式烤物！亦系每次光顾金宝泰国餐厅都会点嘅一道菜。猪颈肉份量颇多，厚度适中。口感与味道方面，边边香脆，肉质结实，油脂感丰富，炭烧香味十足。而特别嘅酱汁系整道菜嘅灵魂，餐厅采用特别嘅浓稠甜酸酱，比起传统嘅稀身酸辣汁，与甜酸酱嘅配合更和谐，更出色。
💁🏻♀️第一名：泰式生虾💥
泰国师傅即叫即㓥，每只生虾都新鲜香甜，肉质肥美，放系冰块上令其冰镇感更突出，肉质更爽弹。异于普通刺身，泰式生虾表面唔会黏笠笠。淋上由海量蒜头、辣椒、洋葱、鱼露等材料制成嘅酱汁食用，酱汁嘅酸辣味同生虾嘅鲜甜味巧妙地融为一体，味道相得彰显。不过辣味较重，唔食得辣嘅朋友可能会接受唔到。
无可否认金宝泰国餐厅系小编最钟意食嘅九龙城泰国餐厅，但其实除左金宝外，九龙城仲有好多好食嘅驰名泰国食店，有机会再同大家逐一介绍～以上就系小编认为金宝泰国餐厅最好食嘅7道菜～希望帮到大家系九龙城揾食😝
#美食 #香港美食 #九龙城美食 #九龙城泰国菜 #泰国菜 #泰国餐厅 #冬阴功 #烤猪颈肉 #泰式生虾 #金边粉 #打卡好去处 #香港打卡 #中餐厅 #打卡景点 #打卡餐厅 #拍拖好去处 #餐厅 #餐厅推介 #假日好去处 #食好西 #美食摄影 #hkfoodie #hkgirl #金宝泰国餐厅
张贴
