Rings Coffee

营业中

休息中

今个夏天特别多雨，搞到我呢啲咁钟意户外活动嘅人放假都要屈系屋企沤臭。今个星期终于顶唔顺揸车去九龙城揾吓有咩cafe可以坐下叹下咖啡。开车去接朋友之后出发去挑战出名难揾车位嘅九龙城。出奇地今日一揾就揾到，仲要系一间cafe嘅门口有表位，二话不说泊好车入去医肚。Cafe坐位多数系室内，唯独一张系正门口出面。我哋咁啱见到有位就坐咗呢张。一坐低睇menu先发现系九龙城颇有名气嘅Rings coffee。其实想试好耐，之前有听闻过佢哋嘅咖啡都几出色，估唔到今次乱打乱撞走咗入嚟。- All Day Breakfast¹³⁸牛油果刚熟够新鲜，仲好靓咁砌咗朵花出嚟，配埋㶶边太阳蛋既好味又啱晒打卡。酸种面包包身外脆内软，够晒香口。谷物乳酪，酸酸甜甜开胃有营健康，是素食者唔错嘅选择。- 热鲜奶咖啡³⁸咖啡醇香，没有因为是鲜奶咖啡而掩盖晒原本咖啡的味道。如果有得选择Nutty或Fruity 嘅咖啡豆会更好。