泰星匯泰國菜

营业中

休息中

以往食开泰国菜都系喺九龙城食，有个朋友介绍话呢间又平又好食，于是就黎试吓啦！好近葵芳地铁站，出咗闸之后一条直路行到尾，再过埋马路入条小路就到啦佢对面嘅车仔面同佢都系同一间黎嘅，可以喺𠮶度食埋泰国嘢，入面都已经坐咗两三台客，之后一路食都劲多人入嚟坐满哂成间餐厅碳烧猪颈肉每一块都切得好薄，佢嘅边位烤得香脆，肉质同脂肪都好稔，稔到好似可以唔使咬直接吞，每一块嘅水准都一样，正👍🏿马拉盏炒通菜每一条都炒得好入味，个汁味道好浓同埋都唔浠嘅，有淡淡的蒜蓉味，通菜亦都好新鲜，食完一啲都冇口渴，唔靠味精都咁好食👍🏿姜葱蟹肉海鲜炒粉丝见几个食评都有叫呢碟𩠌，佢嘅味道比上两碟淡，但依然够味，配有少少麻油味。粉丝条条分明，炒得爽口唔湿，份量好大碟。特别钟意佢嘅虾肉，系新鲜虾肉，并非雪藏虾肉，亦相信冇用化学野令佢变爽口👍🏿菠萝海鲜炒饭有劲多菠萝，另外有啲腊味粒同蔬果粒炒嘅，旁边有啲肉松同腰果，入面仲有几旧鱿鱼。饭粒分明，鱿鱼亦好爽口，啲配菜炒埋一齐味道丰富～烧大鳝鳝肉好厚身比足料，啖啖都爽口弹牙，有几啖仲咬埋皮下脂膀，油香出晒嚟，捞饭食应该会超正🤤 外面亦都搽咗啲调味酱，另外配左泰式酸辣汁可以点，点完嚟食更加开