影片
更多
2021-09-15
106 浏览
系呢个西式甜品、港式杂锦糖水盛行既年代，传统中式糖水店续渐地式微。潮州合成糖水就系其中一间依然坚持用老方法，专心制作潮式糖水既老铺。.合成甜品已经有超过50年历史，初初系深水步开店再搬到九龙城现址。糖水店以佢地既莲子最为出名做主打招徕。老板用左传统方法去全人手处理莲子，再用冰糖长时间熬煮，完全做到口感绵密既效果，所以有香港「莲子大王」既美喻。.糖水店系最传统旧式装修，台面同墙身全部贴哂佢地唔同既报导，中文日文字都有，可见佢地既受欢迎程度。糖水款式多到令人花多眼乱，我用左极多时间去消化先决定到食咩。.大部份糖水都系用三款以上既传统中式糖水配料配搭，叫边款好睇个人口味。就算餐牌无，我觉得应该可以任意自行配搭。.糖水配搭：莲子、清心丸、雪耳、百合、腐竹、柿饼、绿荳边、薏米、马蹄沙、西米等再配热或冻食 (店员极力推荐热食先食得出个风味).莲子雪耳元肉炖百合 加 清心丸 约💲55⭐️4.2/5无睇简介同无做任何背景研究，纯跟朋友坐低揾食既情况下依个人兴趣点左呢款，极少食中式糖水既我对呢个出品有惊喜。🥇VVIP果然系莲子！本身唔多食呢种粉状豆豆类既野，只系俾面「莲子大王」呢四个字试下。莲子唔系一般食
.
合成甜品已经有超过50年历史，初初系深水步开店再搬到九龙城现址。糖水店以佢地既莲子最为出名做主打招徕。老板用左传统方法去全人手处理莲子，再用冰糖长时间熬煮，完全做到口感绵密既效果，所以有香港「莲子大王」既美喻。
.
糖水店系最传统旧式装修，台面同墙身全部贴哂佢地唔同既报导，中文日文字都有，可见佢地既受欢迎程度。糖水款式多到令人花多眼乱，我用左极多时间去消化先决定到食咩。
.
大部份糖水都系用三款以上既传统中式糖水配料配搭，叫边款好睇个人口味。就算餐牌无，我觉得应该可以任意自行配搭。
.
糖水配搭：莲子、清心丸、雪耳、百合、腐竹、柿饼、绿荳边、薏米、马蹄沙、西米等
再配热或冻食 (店员极力推荐热食先食得出个风味)
.
莲子雪耳元肉炖百合 加 清心丸 约💲55
⭐️4.2/5
无睇简介同无做任何背景研究，纯跟朋友坐低揾食既情况下依个人兴趣点左呢款，极少食中式糖水既我对呢个出品有惊喜。🥇VVIP果然系莲子！本身唔多食呢种粉状豆豆类既野，只系俾面「莲子大王」呢四个字试下。莲子唔系一般食过已经煮到烂或溶哂既版本，莲子真系接近大大粒原粒呈现。口感确如坊间评论所言咁绵软。🥈第二个VIP系店员建议后加既清心丸，未叫之前都唔系太清楚咩系清心丸只系见好多台都有叫。原来清心丸系潮州特产，用左潮州独有既「城鹅粉」制作，外表似系细细粒透明既小啫喱咁，口感烟韧有少少似食麻糬咁。其他配料四平八稳，糖水微暖，成件事系正评。
莲子百合柿饼加汤丸 约💲44
⭐️3.8/5
为左试多少少款式，第二碗叫左有百合同柿饼既版本。汤丸虽然只有两粒但尺寸系 King Size。柿饼用黎做糖水配料我都系第一次食，口感似食芒果干条咁，应该都系潮州地道食法。
.
总结：合成既莲子糖水有惊喜，本身只系打算堂食但食完都忍唔住再外卖一碗俾屋企人试下。如果再经过会系有encore系列。
.
不专业食评nei.foodie
莲子雪耳元肉炖百合 加 清心丸
23 浏览
0 赞好
0 留言
莲子百合柿饼加汤丸
15 浏览
0 赞好
0 留言
张贴
