越南麵包

营业中

休息中

九龙城有咩好野食? 好多人一谂就谂起泰国野。其实边个话呢度只系有泰国野食架? 除左泰国野，九龙城仲有好多出名既小店添。位于九龙城龙岗道既越南面包，主打越式三文治，可能因为天雨关系，星期五晚饭时段都唔算好多人，未需要等位。餐牌上有各式各样既越式三文治同埋小食。我地一行二人，拣左两款唔同既三文治同埋一个小食。烤猪肉纸卷:米纸卷入面包左炸猪肉，青瓜，萝卜丝同粉丝，材料新鲜，入口相当清爽，点埋D汁一齐食，入口酸酸甜甜咁都几开胃。可惜包得唔够实，食起上黎有D狼狈。咖哩鸡面包: 法包烘过之后外脆内软，切开后加入咖哩鸡，上面加少少洋葱即成，做法似系好简单，利润都算几深。咖哩既辣度可以自行选择，我地今次拣左小辣，咖哩味非常香浓，辣度刚刚好，落单既时候仲可以要求店员切开几多件，真系服侍周到呀。法式油封鸭脾面包 （低温慢煮十小时) :鸭脾慢煮十个钟之后肉质鲜美嫩滑，放入烘好既面包入面，加埋洋葱，生菜同埋沙律酱，卖相相当吸引，入口一D都唔油腻，值得一赞。呢度环境同服务都唔错，食完都唔会赶人走，系同朋友倾计既好地方。