南角

营业中

休息中

约咗朋友catch up下，系九龙城随便入咗呢间以前好多人排队嘅cafe。我地叫咗3款野食share，分别系烟三文鱼羽衣甘蓝沙律，泰式冬荫公大虾幼意面同埋忌廉腐乳酱带子阔面。野食都好快上枱，先黎系沙律，分量都大碗三文鱼都好多块，面头仲有唔同香料，不过明明羽衣甘蓝都系好main嘅食材，反而就得好少好碎咁。之后两个意粉都一般般，忌廉腐乳酱系几特别嘅，亦唔会太浓味接受唔到，但酱比较少好难捞晒成个意粉黎食，食到后期都好干。另外冬荫公大虾幼意面，只系食到小小辣味，唔讲都知系冬荫公味，睇落似普通蕃茄大虾意粉。又系因为冇乜汁酱，食落都冇乜味咁，系有啲失望嘅。。。饮品方面正正常常，斑兰椰啡面头仲有椰子雪糕，味道浓郁，饮落个啡有淡淡斑斓味，就算个雪糕溶咗都唔会沟到杯啡好甜，反而可以加浓个椰香味。整体黎讲个环境系好舒服好好坐嘅，但食物方面呢个价钱真系唔太值。