七月餐室 (已結業)

假期懒洋洋，瞓醒已经过咗早餐时段，就同男朋友一齐揾下九龙湾有咩餐厅。估唔到近九龙湾工厂区都几多餐厅下。全日早餐（牛扒、烟肉、肠仔、黑松露炒蛋、茄汁焗豆、蕃茄、沙律及多士）呢个全日早餐非常丰富有肉有菜仲有淀粉质，满足左我咩都想食少少嘅欲望。牛扒都算大块，上面淋有好香嘅蒜蓉汁。黑松露炒蛋都好浓郁。椒盐猪扒配炒饭猪扒嘅份量真系超多，数落好似都有六/七旧，男朋友都争啲食唔晒。猪扒好香口，闻落都觉都几香。仲有啲红萝卜做配菜，可以解下油腻。特饮咸柠雪碧成日觉得玻璃樽嘅雪碧特别好饮，再将咸柠笃烂，咸咸甜甜，几正。咖啡红豆冰咖啡红豆冰已经好少餐厅有做，粒粒红豆食落好满足，配上香口嘅咖啡感觉唔错。