帕維亞意大利餐廳

营业中

休息中

出九龙城食饭，刻板印象都系去食泰国菜。而坐落喺打鼓岭道嘅帕维亚餐厅，默默地专注做意大利菜接近十年。品质口碑一直唔错，不缺乏一班棒场熟客。牛油果大虾沙律头盘先嚟一客沙律，牛油果拣得靓，口感丰厚十足。大虾已经拆壳准备细心。Olive Oil 加上黑醋嘅沙律开胃得嚟味道冇得输。意式酥炸鱿鱼圈送酒一流嘅小食，每一块鱿鱼圈口感都弹牙十足，薄脆带阵阵咸香嘅味道，加上炸粉唔厚值得加分。食到停唔到口嘅反应非常基本。忌廉龙虾汤餐汤系最爱嘅龙虾汤，忌廉味唔算太重，口感好厚好creamy, 龙虾似都十分足料！烧美国顶级肉眼扒Grill 出嚟嘅肉眼扒香味扑鼻，三成生熟度控制得宜，肉汁方面锁得非常出色。side dish 系烧秋葵同即制嘅手打薯蓉，诚意十足。