奇華餅家 (皇后大道東)

营业中

休息中

晌众多饼家、饼店中，「奇华」算得上喺一家非常进取嘅公司，因为每逢节日，均有新产品推出市场，令贪新鲜嘅香港人不时试到啲新口味。早前就喺睇到报纸一大版月饼广告，觉得真喺配搭几创新，乳酪搭奶皇，实在颇有趣。草莓乳酪奶皇月 $178包装盒设计十分精简，一粒粒鲜红或淡红嘅草莓图案，就清爽表达出口味嘅款式。一盒内藏6个乳酪奶皇月，全独立包装，又可以作为下午茶嚟慢慢叹。月饼更以清晰嘅草莓作饼面图案，烘得带微微金黄，逢喺奶皇月，个人就喜欢稍微烘一下，每奶皇馅更绵滑细致；外皮既薄且松化，入口唔单止有阵阵草莓香，馅内更混有草莓粒粒，食味不俗。香橙乳酪奶皇月 $178另一款喺香橙口味，同样，包装盒外观设计简约，简简单单嘅香橙图案，加点水墨风嘅橙片，予人感觉清雅不俗气。单喺睇盒面，以为跟草莓 乳酪奶皇月口味一样，只喺换咗味道而已，其他，呢一款嘅外皮更喺加入咗朱古力味道，配搭上香橙味嘅奶皇馅，一甜一酸相对立嘅味道，令香橙味显得更突出，整体变得更具个性。咁好味嘅迷你奶皇月当然要同屋企人分享啦，尤其款香橙乳酪奶皇月，有种与众不同嘅感觉！喜欢试新嘢嘅朋友，有兴趣都不妨一试吓。