轉角‧見

营业中

休息中

26/7号，天气极闷热、闷焗，太太推荐食呢间叫转角见嘅餐厅，去到门口望入去已经停一停，啲台又乱、餐厅感觉唔似系一间俾人舒服嘅休闲小店，反而似系一间九十年代茶餐厅。唯一好处系无乜人，坐边都得。拎起餐牌，唔⋯⋯有层油𣺉𣺉嘅感觉。点咗卡邦尼意粉，太多酱，食落口好油腻。用嘅意粉系扁意粉，软硬适中，只系扁身唔系我预期。跟餐正价叫咗杯热柚子蜜，个size配唔上佢三十几蚊嘅身价。好！主菜嚟了！传统经典汉堡配薯条份餐一到，试下薯条，硬、非常硬！唔系脆身，系硬，用叉拮入去，要用力先拮得入。庆幸薯条入面系仲有薯仔，唔系空心。个汉堡，块肉干到裂，用刀一切，啲肉扒变咗肉碎，打开块包，入面系完全唔完整嘅一块肉扒，干到好似啲湖干旱咁。块包系好食嘅、蕃茄、炒洋葱𠮶啲都正常。块肉真系仲衰过M字汉堡店。跟餐黑牛，可乐似糖水，唔似系可乐。