龍朝牛雜牛腩專門店

营业中

休息中

星期五放工，自己一个人来食牛腩河，享受一个人的浪漫。入面环境干净企理，灯光明亮，懂得用年轻人爱云石枱配木色墙板。点了牛人气三宝河（腩、肚、筋）$42，套餐加配芥兰同豆浆都只系需要$14，好抵食。牛腩汤底清甜，一汤匙葱花少许干蒜。牛腩肥瘦得宜、牛肚弹牙、牛筋炆得好冧身，河粉偏幼滑身，几索汤汁。萝卜细细粒，一啖一口，清甜冇渣。最近芥兰时令，嫰绿新鲜爽脆，加点蚝油一绝。枱面有辣菜脯，唔算辣但爽脆，添口感，不过樽辣椒油几够辣。星期五奖励放纵自己，加点炸鱼皮（小）$12，其实份量不少，用胶袋包装，保持香脆口感。