八麵玲瓏 (已結業)

𠮶日一条友谂住去食mos　burger点知见到一条唔识郁既龙,当堂掉头走人.正喺度苦恼紧食乜既时候,喺朗豪坊楼下见到朗晴坊个牌,令我即刻记得呢间我想试咗一段时间既面店.入到去环境十分干净摩登,令人觉非常舒服,好似一间cafe咁!睇吓餐牌,选择不少,好多嘢食都以健康为卖点.我叫左个猪软骨2面夹攻.　2面即系波菜拉面同普通拉面双并,面既质素尚可,但面身偏淋,不够弹牙,有啲可惜.不过个猪软骨够林够入味,几好！𠮶个蕃茄汤确系掂添啦,又浓又鲜甜！仲有叫了碟生菜,反而呢个有D怪怪哋,唔知系D菜抑或蚝油有D薄菏味咁.讲吓D服务,简直掂呀,所有嘢都自动自觉,　跌了条面落地,我用纸巾执番,佢地识得攞D新既俾我,叫生菜走油,蚝油又晓得帮我另上,又成日会行嚟睇吓你有冇野需要,非常体贴,好呀!都忍唔住要俾多几蚊Tip史!第日一定会再嚟 !