影片
更多
2018-10-22
682 浏览
路过新蒲岗，补祝老公生日，听闻呢度好多隐世美食，于是四围行吓睇吓有咩好食～行过mikiki 对面，有间唔起眼嘅西餐厅，2人餐只系$388，仲要有埋鹅肝心谂：抵呀！跟住就行咗入去啦～入到去见到一个人都无，死啦⋯⋯会唔会中咗伏呢⋯⋯算啦，都入到嚟，咁就叫番个抵食2人餐啦～沙律 一啲都唔流，份量刚刚好，系麻酱沙律汁，我最爱嘅其中之一黑松露忌廉汤少少咸、多多香，黑松露味唔会太抢，令人回味无穷～龙虾汤重口味嘅我，最钟意咸香嘅龙虾汤，香浓嘅虾味配上跟餐嘅包，滋味十足！包跟餐嘅包都唔好睇少，外脆内软，包嘅外皮仲要薄，切成一片片，微暖嘅包搽上牛油鹅肝伴牛柳见到咁厚嘅牛柳谂住佢会好韧，点知咬落一啲都唔会，好松软，加上少少嘅咸香，真系食唔停口呀原来鹅肝加牛柳一齐食，味道又几夹㖞～炭烧西班牙黑豚胺有骨嘅猪扒系我最钟意（因为够淋），仲要大大块，系抵食呀～虽然猪胺好厚，但系一啲都唔鞋，松软多汁，仲一路食一路闻到阵炭烧香味成餐加埋一四百头，总括嚟讲系抵食嘅～ 希望可以去多次，而且下次去系老公请
行过mikiki 对面，有间唔起眼嘅西餐厅，2人餐只系$388，仲要有埋鹅肝心谂：抵呀！跟住就行咗入去啦～
入到去见到一个人都无，死啦⋯⋯会唔会中咗伏呢⋯⋯
算啦，都入到嚟，咁就叫番个抵食2人餐啦～
沙律
一啲都唔流，份量刚刚好，系麻酱沙律汁，我最爱嘅其中之一
黑松露忌廉汤
少少咸、多多香，黑松露味唔会太抢，令人回味无穷～
龙虾汤
重口味嘅我，最钟意咸香嘅龙虾汤，香浓嘅虾味配上跟餐嘅包，滋味十足！
包
跟餐嘅包都唔好睇少，外脆内软，包嘅外皮仲要薄，切成一片片，微暖嘅包搽上牛油
鹅肝伴牛柳
见到咁厚嘅牛柳谂住佢会好韧，点知咬落一啲都唔会，好松软，加上少少嘅咸香，真系食唔停口呀原来鹅肝加牛柳一齐食，味道又几夹㖞～
炭烧西班牙黑豚胺
有骨嘅猪扒系我最钟意（因为够淋），仲要大大块，系抵食呀～
虽然猪胺好厚，但系一啲都唔鞋，松软多汁，仲一路食一路闻到阵炭烧香味
成餐加埋一四百头，总括嚟讲系抵食嘅～
希望可以去多次，而且下次去系老公请
张贴
