榮發茶餐廳

营业中

休息中

今日嚟到上水见到一间茶记有煲仔饭。由于我好钟意食煲仔饭，一于试下佢。佢嘅煲仔饭都有好多唔同嘅选择。最后拣咗试下佢嘅冬菇滑鸡煲仔饭。佢系即叫即整，要等大约25分钟左右有得食。落单嘅时候，店员都会提下煲仔饭系要等下。第一口咁食，就感觉到煲仔饭嘅香气略为欠缺，但都有冬菇嘅香味。鸡肉都算系煮得得恰到好处，仲有肉汁，未至于好柴。煲仔饭底部嘅米饭，经过长时间火力煮熟，米粒饱满，口感香软。煲仔饭最紧要系有饭焦，如果冇饭焦𠮶个煲仔饭会令人好失望。佢呢个系有少少金黄嘅饭焦，如果煮多阵令到个饭焦更完整就好啦。佢都有附送煲仔豉油，个豉油唔系甜口𠮶只，偏咸少少。整体嚟讲，呢个煲仔饭都系正常嘅水准之作。如果行经𠮶头又好想食煲仔饭嘅话都可以试下嘅。