小肥牛火鍋活魚專門店 (已結業)

今日同太太两个人嚟依度食晚餐, 拣咗个龙虾海鲜三重蒸餐。讲食物之前先讲酱油, 除咗配备咗传统打边炉嘅中式豉油配料外, 仲畀咗一碟日式酱油我哋 。 用日式酱油去配搭 中式蒸嘅食物, 风味唔错, 我觉得比起用加咗好多蒜头 辣椒 同埋其他配料嘅酱油好。咁多款食物里面最想赞嘅系蒸蚬。 今晚食嘅蚬 全部都系冇沙既, 有时自己喺屋企整, 就算养咗啲蚬好耐 都可能会有少少沙留低 但系今晚食咁多只蚬都系冇沙嘅 唔系度度都做到咁嘅效果。 系非常值得欣赏嘅地方。其他海鲜食物都唔错。 而做得比较唔好嘅就系𠮶一碟牛肉, 𠮶啲牛肉原本系将几款嘅唔同牛肉放埋一齐 谂住畀客人食咗啲唔同嘅口味, 其中一款真系好好食, 但系由于佢哋放埋一齐 咁就突显咗其他嘅质素冇咁高。 所以食嘅时候 如果可以分到 质素冇咁高嘅 嘅𠮶一款食先 ,咁就好好啦, 因为会有越食越好味嘅感觉。 可惜 我一拣就拣咗最好食𠮶一款式先呢度嘅食物质素算系唔错, 但系职员就一般。 因为我系第一次喺𠮶度食蒸嘅火锅, 所以就问下职员究竟系点食嘅, 但系咁啱问著两个新嚟嘅年轻人, 佢哋都答唔到我个食饭系点。 后来就揾到一个识嘅太太, 佢终于能够介绍啲食物既食法