小明珠 (已搬遷) 新店位置

今日与朋友食午餐，之前都有食过尼间，感觉唔错。但今日就一般了。由于繁忙时间，一张四人枱，二个人坐一边，明白嘅。但食到一半有五人入黎，竟然将另一四人泊埋我哋枱以腾出空间系另一边加一个位，形成七个人围住我𠉴在长台的一角，我哋出唔返去同埋变成九个人high table😂 问题系大家冇交流而且同朋友对话毫无私隐可言，倾计聚旧就免了，急急吃了便走。到食物，尼间性价比高，$50-60左右的午市套餐，送汤送豆浆，豆浆豆味香浓，以现在的物价指数算系咁。 可惜尼个宫保鸡丁，只有辣味同甜味，没有咸味，最大嘅问题系，鸡丁真系好「丁」，唔细心啲揾下，同混埋一齐煮嘅花生米一样，可能肉贵，所以「丁」咁细😂陈醋猪软骨反而分量好多，焖到好腍，易入口，但口味都系偏甜，少左醋酸同咸味。生煎包馅靓有汁，不过如过底面都煎埋就更香脆内软。